Ginatan-aw nga factor ro edad it pinoy boxer nga si Nonito Donaire Jr. kon ham-an it napyerde raya sa rematch nanda it japanese boxer nga si Naoya Inoue.
Suno kay Mr. Basil Tabernilla, sangka sports analyst nga samtang nagaka edad ro atleta hay inde manigahan nga nagahina eon ro anang kapasidad.
Nakit-an man ro power punching kay Inoue kon siin uhaw raya sa kada bayo nga ginbuhian nga haeos nakaigo tanan kay Donaire.
Mas madasig nga maghueag ro bata nga Inoue kon ikumpara kay Donaire rason nga uwa eon imaw nakabuhi sa sunod-sunod nga bayo it japanese boxer nga nagpatumba kana it makapilang beses hasta nga gindeklara ro knockout sa ikaywang round.
Ginpahayag dugang ni Tabernilla nga makabig nga senyales eon para kay Donaire nga dapat eon imaw nga magretiro sa nasambit nga patag it hampang bangud nga nakit-an ro mabahoe nga kabawasan sa anang kapagsik ag hueag sa ibabaw it ring.
Madumduman nga ginabuytan eon makaron ni ro IBF ag WBA super bantamweight titles kaman man ro WBC belt nga halin kay Donaire
