Ginplastar eon ro mga plano ag target it administrasyong Marcos para sa an-um nga dag-on nga pagpanerbisyo.
Makabig nga diretso ag maayos nga naiplastar ro sueod it diskurso ni Pangueong Bongbong Marcos sa anang unang State of the Nation Address (SONA).
Kasunod kara, ginpahayag man it pamunuan it Department of Budget nga pagatigan-an it pinakamabahoe nga parte it 2022 budget ro sektor it edukasyon, ikamayad nga eawas, imprastruktura ag agrikultura it nasyon.
Magapatuman sigon it realignment ro administrasyon sa expenditure priorities it gobyerno.
Gin-baeay eon sigon ro pondo nga target maisumite sa Kongreso sa Agosto 22, agud nga maobra nga laye antes ro Christmas break.
Ro edukasyon gihapon ro top priority, sandig sa gintaeana nga laye, padayun gihapon ro Build, Build, Build program it Duterte administration nga paeawigon pa it Marcos administration.
Prayoridad man ro sektor it ikamayad nga eawas.
Samtang ro agrikultura man hay pagasuportahan it gobyerno pinaagi sa pag-mechanise sa proseso gamit ro makabag-ong teknolohiya.
Kinahangean nga maging mas madahan ag maaeam kita makaron sa pagpondo ag paggastos.
Padayun naton nga naexperiensiyahan ro epekto it pandemya tuga it COVID-19 nga ginadunganan pa it mga kalamidad ag krisis.
Matuod nga mapaaway ka ag kinahangean nga magsukoe .
Nagaeaum kita nga naeampasan man naton ro tanan nga mga pagsubok nga mas pa nga naging mabakod .
