WEATHER UPDATE| Mas pang nagbaskog ro bagyong Egay ag ginpasaka eon raya sa typhoon category.
Ulihing nasapwan ro sentro it bagyo sa kaeayuon nga 565 km nasidlangan it Baler, Aurora.
Angkon kara ro kabaskog it hangin nga 140 km/h maeapit sa tunga ag may pagbugsong 170 km/h.
Nagahueag ro bagyo it pa-nakatungdan sa dasig nga 15 km/h.
Angot kara, presenteng nakapasaka ro Signal No. 2: sa Southeastern portion it Isabela (Palanan, Dinapigue) ag northeastern portion it Catanduanes (Pandan, Bagamanoc, Panganiban, Viga, Gigmoto).
Samtang, naga-iral man ro Signal No. 1: Sa Batanes, Cagayan kaeakip ro Babuyan Islands, nabilin nga parte it Isabela, Quirino, Nueva Vizcaya, Apayao, Kalinga, Abra, Mountain Province, Ifugao, Benguet, Ilocos Norte, Ilocos Sur, La Union, northern portion it Pangasinan, Aurora, northern ag eastern portions it Nueva Ecija, northern ag southeastern portions it Quezon including Polillo Islands, Camarines Norte, Camarines Sur, nabilin nga parte it Catanduanes, Albay, Sorsogon ag Masbate samtang sa Visayas hay ro Northern Samar, Eastern Samar, Samar ag Biliran.
