KALIBO,Aklan–Ginaselebrar makaron nga adlaw it mga Muslim ro Eid’l Adha ukon Feast of Sacrifies.
Ginpaathag ni Nestor Abdulkarim Bonjibod, sangka Muslim preacher sa Aklan nga mahabang istorya ro ginhalinan it nasambit nga selebrasyon.
Apang, para kanda nga mga Muslim hay raya ro adlaw it pagkinasadya bangud nga nagatililipon ro tanan kaibahan ro bilog nga pamilya, mga abyanan ag himata.
Gina komemorar kara ro pagtilaw kay abraham sa andang kaugalingon pina-agi sa pag sakripisyo it mga sapat kaparehas it karnero, kanding ukon baka.
Ro pagpatigayon it okasyon hay agud pasidunggan ro kagustuhan ni Ibrahim nga isakripisyo ro anang unga bilang pagpakita it pagsumiter sa mandu it maka-ako.
Apang antes ro sakripisyo nagpabutyag ro Ginuo nga imbes ro anang unga hay sangka karnero eon lang ro ihaead.
Ginpahayag dugang ni Binjibod nga ro Eid’l Adha hay bukon eamang it sangka okasyon kundi obligasyon nga dapat magampanan.
Ginatuman nanda ro mando it Diyos nga si Allah kon sa siin nagatipon-tipon ro tanan agud nga saeohan ro pagkaon nga ginkaloob it Diyos kanda.
