NATIONAL News — Gina-selebrar it mga Filipino Muslims makaron nga adlaw, Marso 31, ro Eid’l Fitr ukon ro Festival of Breaking the Fast nga imaw ro adlaw nga nagamarka it pagtapos it balaan nga buean it Ramadan.
Gin-anunsyo raya ni Bangsamoro Grand Mufti Sheikh Abdulrauf Guialani matapos ro ginpatigayon nga assigned groups it moon sighting sa nasyon.
Importante para sa mga Muslim nga makit-an ro moon crescent antes tumuron kun hin-uno ro Eid’l Fitr bangud raya ro nagamarka it pag-umpisa it bag-o nga lunar month it Shawwal nga imaw ro ika-napueo nga buean sa Islamic lunar calendar.
Ro Eid’l Fitr nga sangka Islamic festivity ro tradisyonal nga ginaselebrar sa sueod it tatlong adlaw nga gina-umpisahan it pagpangamuyo sa mosque sa agahon, pagtilipon it magpamilya ag mag-amigo, ag pagkaon ag pagbaeayluhan it mga regalo.
“In spirit, the Festival of Breaking the Fast is more than a celebration; it is a testament to our desire for shared humanity, strengthening bonds of family and friendship, as well as unity among our peers… Beyond the values that Ramadan emphasized, let us continue to be inspired to extend our hands in service, uplift those in need, and help find joy in those who seek it,” kaparte it mensahe ni President Ferdinand Marcos, Jr. bilang pag-ugyon sa selebrasyon it Muslim community.
Madumduman nga nauna eon nga gindeklarar it Malacañang ro Abril 1 ukon Martes nga adlaw, bilang holiday angot sa obserbasyon it Eid’l Fitr.
Sa Saudi Arabia ro ginakabig nga heartland it Islam hay gin-umpisahan ro selebrasyon it Eid’l Fitr kahapon it Domingo.
