-- ADVERTISEMENT --
NATIONAL News — Gindeklara it Malacañang ro April 1, 2025 bilang regular holiday sa bilog nga nasyon bilang pag-obserba sa Eid’l Fitr ukon Feast of Ramadan it mga Muslim.
Pinaagi sa Proclamation No. 839, gintaw-an it kahigayunan ro mga tumueu-o it Islam nga iselebrar ro andang Eid’l Fitr ag pwedeng makapasakop ro mga pumueuyu sa nasambit nga selebrasyon.
Nauna eon nga ginrekomenda it National Commission of Muslim Filipinos nga ideklara ro March 31 ukon April 1 bilang national holiday para sa selebrasyon it Eid’l Fitr apang nagdesisyon ro Malacañang nga obrahon raya sa April 1.
-- ADVERTISEMENT --
Pirmado ni Pangueong Ferdinand `Bongbong’ Marcos Jr. ro proklamasyon ko Marso 20.
