Igapa-auction ni Southeast Asian Games record breaker Ernest John Obiena ro anang winning shoes para sa mga pamatan-ong atleta sa Tuguegarao.
Madinaeag-on nga nadepensahan ni Obiena ro korona kara sa men’s pole vault sa Morodok Techo Stadium sa Phnom Penh, Cambodia.
Rason nga bilang kaparte it anang adbokasiya ro magbulig sa mga pamatan-ong atleta nga gustong sundan ro anang yapak hay ana raya nga igapa-auction.
Napukaw ro atensiyon ni Obiena kat may magpadaea kana it video kon sa siin ngaahimo it pamaagi ro pilang pamatan-on para makapag-ensayo sa pole vault.
Sambilog sa mga naging solusyon it mga onga ro pagtambak it kusot nga nagaserbeng landing pit sa pole vault.
Nagaeaum si Obiena nga makatipon raya it bastanteng pondo para mataw-an it landing pit ro mga onga sa Tuguegarao.
Ginamit ni Obiena ro sapatos para maimarka ro bag-ong SEA Games men’s pole vault record nga 5.65 metro – mas manami sa anang dating rekord nga 5.46 nga nailista sa Hanoi Games ko nagtaliwan nga dag-on.
