Ekonomiya it nasyon dapat nga buksan eon sa mas madali nga tyempo—Concepcion

KALIBO, Aklan—Ginapabuksan eon ni Presidential Adviser for Entrepreneurship Joey Concepcion sa gobyerno ro ekonomiya it nasyon sa mas madali nga tyempo.

Raya hay para sigon mabawasan ro epekto sa presyo it mga baeak-eon sa tunga it nagapadayun nga kinagamo sa tunga it Russia ag Ukraine.

Ginpahayag pa ni Concepcion, nagtaas eon makaron ro presyo it trigo tuga it kinagamo.

Suno kana, dapat nga indi eon mag-grabe pa ro sitwasyon sa tunga it daywang ka mga nasyon bangud posibleng mas magtaas pa ro presyo it mga baeak-eon sa merkado.

Samtang, ginapaandaman man ni Concepcion ro mga negosyante sa nasyon angot sa magiging epekto sa ekonomiya it nasambit nga kinagamo.