Business News ——–Nagnaba it 11.5 percent ro gross domestic products (GDP) it Pilipinas sa third quarter it dag-on bangud sa apektado gihapon it COVID-19 public health crisis ro business activity ag consumer spending, suno sa Philippine Statistics Authority (PSA).
Apang ro economic decline ngara halin Hulyo hasta it Setyembre hay mas manabaw kumpara sa nailistang 16.9 percent contraction nga nailista ko second quarter.
Ginpahayag it PSA nga nakakaapekto sa pagbangon it ekonomiya it nasyon ro naga-iral gihapon nga quarantine restrictions.
Ginpahayag it PSA nga ro sektor it agrikultura eamang ro nahimong magtaas ukon nag-ayos ro kondisyon sa third quarter kon ikumpara sa nakataliwan nga dag-on.
Sa nasambitang period, 0.1 percent ro amot it sektor it agrikultura sa GDP.
Pangatlo raya sa top contributors sa production side nga gintumod it PSA, kon sa siin una sa listahan ro financial ag insurance activities (0.5%) ag pangaywa ro public administration ag defense; compulsory social security (0.2%).
