Dapat nga haum ro ekonomiya it Pilipinas sa kompetisyon.
Suno sa political analyst nga si Atty. Michael Yusingco, raya ro dapat nga nagapangunang prayoridad it gobyerno sa atubang it ginaduso nga Regional Comprehensive Economic Partnership ukon RCEP.
Suno kana nga engkaso nga mapatuman ro RCEP, dapat nga pabaskugon it gobyerno ro sektor it agrikultura agud nga makadungan ro mga producer ag mangunguma sa open market.
Ro RCEP hay sangka free trade agreement sa tunga it mga nasyong miyembro it ASEAN kapareho it China, Japan, South Korea, Australia ag New Zealand.
Tuyo kara nga pabaskugon ro kalakalan it Pilipinas, mapaeapad ro mga negosyo ag makatau it maabung trabaho sa mga Pilipino.
Ginapamaeabagan raya it masobra sa 100 nga grupo bangud nga posibleng maging epekto kara sa kabuhi it mga mangunguma , mangingisda ag iba pang mga trabahador
