KALIBO, Aklan–Ginakabaeak-an nga mas pang magahina ro ekonomiya it Pilipinas engkaso nga maga-grabe ro tensyon sa tunga it China ag Taiwan kasunod it kontrobersiyal nga pagbisita ni US Speaker Nancy Pelosi sa Taipei.
Suno sa ekonomista ag educator nga si Ramon Quimpo, Jr. nga raya hay bangud nga ro China ro nagapanguna makaron nga trading partner it nasyon kamana man nga pinakamabahoe nga atong gina-utangan.
Mag-eowas kara , bukon suno kana it maeayo nga maapektuhan ro Pilipinas engkaso nga makaangkon it kinagamo ro daywang nasambit nga nasyon bangud nga ro Taiwan Strait nga ginahiwatan makaron it military drills it Chinese People’s Liberation Army hay nahamtang eamang sa naaminhan nga parte it Pilipinas.
Dugang pa kara nga maapektuhan man ro mga overseas Filipino workers ukon OFWs sa Taiwan ag ro mga Chinese nga naga-obra sa mga Philippine Offshore Gaming Operators ukon POGO companies sa nasyon.
