Business News——–Ginaeauman nga ro ekonomiya it Pilipinas hay magataas it kapin eamang sa 5 percent makaron nga dag-on nga mas manaba sa target it gobyerno sa tunga it vaccination rollout ag mga ginpatuman nga lockdown.
Sa pinaka-ulihi nga report it GlobalData, nagapangunang data and analytics company sa UK, ginatantiya nga ro gross domestic product it emerging and developing economies hay magataas it average nga 6.3 percent.
Ro pag-umwad hay ginatantiya nga pagapangunahan it India sa 9.4 percent sa pihak it grabeng second wave it COVID-19 cases, ag China sa 8.61 percent.
Sa pihak nga parte, ro Pilipinas hay posibleng maka-rehistro it kapin sa 5 five percent nga economic growth, kaibahan ro iba pang emerging economies sa rehiyon eakip ro Indonesia ag Malaysia.
Ro forecast it GlobalData hay mas manaba sa six to seven percent nga gin-update nga growth target it gobyerno.
