KALIBO, Aklan — Nagnaba sa kabilugan nga 6.1% ro ekonomiya it Western Visayas ko nagtaliwan nga dag-on kumpara sa 8.6% ko 2017 bangud sa an-um nga buean nga pagpasarado sa isla it Boracay.
Suno kay National Economic and Development Authority (NEDA) Regional Director Ro-Ann Bacal, raya hay base sa report it Philippine Statistics Authority (PSA) Statistical Services Office 6.
Ro pag-umwad hay nagnaba it sangkiri sa national gross domestic product (GDP) nga 6.2%.
Bangud sa temporaryong pagpasarado sa Boracay ko Abril hasta Oktubre 2018, bumagsak ro numero it mga turista sa rehiyon it 15%, halin sa 5.8 million ko 2017 hay nag-abot eon lang sa 4.9 million ko 2018.
Ginpahayag ni Bacal nga ro 900,000 nga pagbagsak it mga bisita sa isla hay nagtuga it pagkalugi sa nagkaeain-eain nga sektor it negosyo.
