Ginaduso ni Education Secretary Sonny Angara nga magpatigayon it eksaminasyon sa mga eskwelahan nga kapareho it Programme for International Student Assessment ukon PISA.
Ginpahayag ni Angara nga importante nga mapabaskog ro analytical ag critical thinking it mga Pilipino nga estudyante para mapataas ro PISA rankings it nasyon.
Bangud kara, gusto it sekretaryo nga bag-uhon ro kultura sa mga eskwelahan, ag ipatuman ro culture of assessment ag measurement.
Aminado man si Angara nga kinahangean nga batakon pa ro kalidad it edukasyon sa nasyon.
Madumduman nga sambilog ro Pilipinas sa mga nagapang-ulihi sa 2022 PISA rankings sa reading, math, ag science, kamana man sa kauna-unahan nga creative thinking assessment nga ginpatigayon sa 64 nga mga nasyon sa bilog nga kalibutan.
