KALIBO, Aklan—Nagpaandam ro mga eksperto sa publiko kontra sa mga sakit nga tuga it mainit nga paniempo sa atubang it naeksperyensiyahan it nasyon nga grabeng El Niño phenomenon.
Suno kay Dr. Philip Ian Padilla, public health expert nga ro mga laborer, driver, gardener ag iba pang trabahador nga nagabuead sa init it adlaw ro mas apektado kara.
Kon makabatyag sigon it sobrang gaoy bangud sa pagbuead sa sobrang init it adlaw hay posibleng maka-angkon it heat exhaustion ag engkaso nga indi eagi mataw-an it atensyon hay pwede raya nga magresulta sa heat stroke rason nga kinahangean nga protektahan ro kaugalingon.
Dugang pa kara nga kon maduea-an it alintro bangud sa heat stroke hay pwedeng magresulta sa pagkamatay kun indi eagi mabugtaw.
Ginpahayag ni Dr. Padilla nga sa tiempo it tag-init hay pirmeng magdaea it tubi nga mainom, magsuksok it preska ag light colored nga mga eambong ag limitahan ro exposure sa init it adlaw.
Dapat man suno kana nga magdahan sa sunburn eabi eon ro mga naga-agto sa mga baybay bangud nga ro sunlight hay pwedeng magresulta sa skin cancer.
