Nakalista eun it 317 cases it leptospirosis ro Western Visayas base sa ginpaguwa nga datos it Department of Health kumpara sa 700 cases ku 2023.
Pahayag ni Dr. Philip Ian Prieto Padilla sangka professor of microbiology nga amat-amat nga nagataas ro mga naga-angkon it leptospirosis sa nasyon kun siin sa makaron ginasayod pa sigon kun ano ro strain it nasambit nga masakit.
Apang, bangud nga makita man raya nga bacteria sa eapok hay mahimo sigon nga raya ro rason apang kinahangean pa it mas madaeom nga pagtuon.
Masami nga kidney ag atay ro ginaadtunan it nasambitan nga bacteria bangud nga raya ro gusto nga iinvade it nasambitan nga bacteria, kara sigon nagiging delikado ro sangka indibidwal.
Kaeabanan man sa mga nagamasakit kara hay mga eaeaki nga naga-edad sa 25-40 years old.
Angot kara, mas manami kun pabakunahan man sigon ro mga kasapatan kontra kara.
May posibilidad nga raya hay madetect pinaagi sa anti-bodies kontra lepstospirosis ag organ x-rays ukon kondisyon it mga organs.
Mahimo man nga maging malala raya kun indi eagi mabueong ag matatapan, kun siin nagapangdueaw ro tawo ukon jaundice bangud nga apektado ro atay, ag naga-ihi it dugo bangud apektado man ro kidney.
Nasayuran nga nagapanguna ro Iloilo nga may 99, Negros Occidental nga may 70, Capiz ag Aklan nga may una man nga 15-20 cases.
Matandaan nga raya hay halin sa ihi, higko ag body fluids it infected nga sapat ag infected nga tubi nga nagasueod sa mga nina.
