National News ————–Hugot nga ginpamalibaran ni PNP Chief PGen. Guillermo Eleazar ro alegasyon ni Sen. Panfilo Lacson nga gingamit it PNP ro pondo andang pundo sa National Task Force To End the Local Communist Armed Conflict (NTF-ELCAC) para sa pagpatigayon it survey sa mga nagkaeain eain nga Baranggay sa bilog nga nasyon.
Sa sangka statement, ginklaro ni Eleazar nga owa it mando sa mga local chief of Police ngaboe-on ro pangaean, contact number ag address it 30 porsiyento it residente it kada Barangay bangud owa nagakinahangean it pag-census ro PNP.
Ro ginahimo sigon it PNP hay ro pagtinguha nga mapanami ro andang relasyon sa mga lokal nga komunidad para mapabaskog ro andang anti-drug, Anti-crime, atg Anti-insurgency efforts.
Buwelta ni Eleazar, owa it nagatao it atensiyon sa mga terroristang komunista nga nagapatigayon it andang kaugalingon nga community mobilisasyon; apang kung ro PNP ro mag-mobilisa it komunidad kontra sa mga komunista, sanda ro ginapuna.
Nagpasaeamat man si Eleazar kay Sen. Lacson sa anang pagtao it kahigayunan sa PNP nga ipahayag ro andang panig angot sa mga saea nga balita nga ginapakalhit sa mga tinamaan it pagiging madinaeag-on it NTF-ELCAC.
depensa it PNP Chief, ro tanan nandang aktibidad nga may kaangtanan sa NTF-ELCAC hay “above Board” ag bukas sanda sa anumang imbestigasyon.
