KALIBO, Aklan—Gin-activate eon it Kalibo Municipal Police Station ro andang Election Monitoring Action Center (EMAC) para sa nagahilapit nga Barangay ag Sangguniang Kabataan Election (BSKE) 2023.
Sa pagpanguna it andang hepe nga si P/Lt.Col. Ricky Bontogon, ro Election Monitoring Action Center ro magatan-aw sa kabilugan nga electoral process sa kapin 18 nga voting centers sa 16 ka barangays sa munisipalidad it Kalibo.
Tuyo kara nga masikyar ro patas, eowas ag transparent nga eleksyon kon sa siin ro action center hay equipped it state-of-the-art technology ag mga dedicated team law enforcement professionals.
Ginpahayag dugang nga ro Election Monitoring Action Center hay makipag-angot sa nagkaeain-eain nga stakeholders kaibahan eon ro Commission on Elections (COMELEC), mga kandidato, political parties, ag mga concerned citizens agud nga ma-address ro iba pang mga concerns and issues nga magatuhaw sa kasagsagan it election process.
Angot kara, gin-engganyo it pamunuan it taeatapan it pulisya ro tanan nga eligible voters sa banwa it Kalibo nga aktibong magpasakop ag i-exercise ro kinamatarong sa pagboto sa maabot nga Oktobre 30, 2023.
