NATIONAL News —Patay ro sangka empleyado it Commission on Elections (Comelec) matapos nga ginbaril sa Barangay Poblacion sa President Quirino, Sultan Kudarat.
Ginkilaea it pulisya ro biktima nga si John Nico Dionaldo Pandoy, 31-anyos, Assistant COMELEC officer it Isulan.
Sa inisyal nga imbestigasyon, nasayuran nga pauli eon si Pandoy bandang alas-4 it hapon it Sabado halin sa sangka barbershop sakay it anang scooter kat sundan it daywang suspek nga sakay man it motorsiklo.
Dikara eon ginbinaril it pilang beses sa ueo ro biktima.
Nagpaeagiw ro mga gunman paagto sa direksyon it Buluan, Maguindanao del Sur.
Insigida nga gindaea si Pandoy sa Immaculate Conception Hospital apang gindeklarang dead on arrival.
Narekober sa crime scene ro an-um nga cartridge cases halin sa indi pa matumod nga armas.
Igapaidaeum pa raya sa ballistic examination.
