Kalibo Aklan —– Total lockdown eun makarun ro ELK Grove, California U.S.A .
Suno kay Bombo International Correspondent, Danny Menez Yap Diangco ag presenteng nagatrabaho makarun sa nasambitan nga nasyon nga ro nasambitan nga tikang it gobyerno hay agud nga indi eun magkalhit pa ro coronavirus disease (COVID-19 pamdemic).
Sarado man sigon ro kaabuan sa mga establisiyemento mag-euwas eamang sa mga nagabaligya it essential goods.
Nagapabiln man nga bukas ro mga gasoline station ag bangko.
Samtang, kung nagabakae it pagkaon hay dapat nga drive thru ukon delivery.
Nay nakataeana man sigon nga oras para nga makapamakae it grocery ro mga senior citizens.
Samtang, ginpahayag man ni Diangco nga hugot nga ginasunod it mga pomoeuyo sa U.S.A ro ginpatuman nga quarantine.
Tanan man sigon hay disiplinado ag naga-kooperar agud nga matapna eun ro pandemic.
Ginadakop man sigon it mga otoridad ro nagaguwa nga owa it suksok nga face mask ag gloves.
Sa makarun suno pa kana hay lockdown man ro tanan nga mga hospital kung sa siin bawae eun nga magbatun it bisita ro mga pasyente.
Matunog man sigon ro balita makarun nga ma-extend pa ro lockdwon sa nasambitan nga nasyon hasta sa buean it Mayo ukon Hunyo.
