Empleyado it LGU-Numancia nga nakabaton it 2021 Dangal ng Bayan Award, ginpanginbulahan it SP

KALIBO, Aklan —- Ginpanginbulahan it  18^th Sangguniang Panlalawigan ro sangka empleyado it lokal nga gobyerno it Numancia matapos nga magdaog sa 2021 Dangal Ng Bayan Award In The Regional And National Level.

Base sa Resolution No. 2021-1498,  si  John L. Alcazarin, Administrative Aide I it  LGU-Numancia hay nagtau it dungog ag bugae sa probinsiya.

Ro Dangal Bayan hay  ginatau sa empleyado nga nagpakita it serbisyong tampad nga sandig sa Code of Conduct and Ethical Standards for Public Officials and Employees.