Nagtaas ro employment rate it Pilipinas pagsueod it administrasyong Marcos ag naeampasan eon man kara ro lebel antes ro pandemya suno sa Labor Force Survey (LFS) it Department of Labor and Employment (DOLE).
Suno sa datos, umangat it 96.3% ro employment rate it nasyon halin 95.5% ko nagtaliwan nga dag-on.//
Nadugangan it haeos 2.2 million nga mga Pilipino ro nakaangkon it trabaho.
Samtang, nagtaas man ro underemployment rate it nasyon nga halin 10.7% ko nagtaliwan nga dag-on, makaron hay una sa 11.9%, buot hambaeon nga maabong mga trabaho para sa mga Pilipino apang nagaserbeng hangkat gihapon ro pag-angkon it trabaho nga may kalidad ag nagakabagay sa ikasarang it sangka Pilipino.
Angot kara, nagnaba ro unemployment rate it nasyon nga halin 4.5% hay naging 3.7% eon lang.
Raya hay bangud eon man sa pag-angkon it reporma sa socio-economic nga aspeto ag mga inisyatibo it gobyerno.
Pagpasiguro it ahensya nga igapadayon ro paghimo it mga trabahong may kalidad ag pakikipag-angot sa mga pribadong sektor para sa mga trabaho nga pwedeng itao sa mga Pilipino.
