KALIBO, Aklan–Sigidas ro ginahimo nga preparasyon it mga organizer it Engineer’s Cup ukon enter barangay nga paliga sa covered court it Kalibo Pastrana Park.
Suno kay John Paul Genosa, Chairman it Engineer’s Cup Season 3 nga maabu nga mga aktibidad ro andang ginpahaum sa pag-umpisa it liga pasado alas-3:00 hin-aga it hapon.
May pilang ka mga artista sigon sanda nga gin-imbitahan para sa opening ceremony it liga.
Ginpabugae pa kara nga mas pa nanda nga ginpaeapad ro hampang matapos nga ginpasugtan ro pag-angkon it daywang ka mga import it kada koponan apang kinahang-ean nga ro player hay tumandok it Aklan.
Naga-abot suno kana sa 15 ka mga team halin sa nagkaeain-eain nga barangay it Kalibo ro magapasakop sa pahampang.
Ginpahayag dugang nga dag-on 2020 kunta nanda igapatigayun ro season 3 it liga apang napaiway bangud sa pandemya.
Samtang, ginpasiguro man ni Genosa nga hugut gihapon nanda nga igapatuman ro pagsunod sa minimum health protocols maskin nga ginhaeugaan eon ro restrictions.
