Handum ni Maria Solita Guzman nga maipasa sa mga inunga it masunod nga henerasyon ro mga istorya ukon kasaysayan it mga sikat nga lugar sa Aklan rason nga anang ginpatag’od ro istorya nga Engkanto sa Bukid Tigayon.
Pahayag ni Guzman nga halin mismo sa anang buesa ro gastos para nga maipublished ro nasambitan nga istorya.
Gintinguhaan sigon nanda nga himuon nga mangin child-friendly ukon light ro mga kulay, pag’illustrate ag pamisaea sa nasambitan nga libro agud nga madali maeubtan ag maka’engganyo sa mga inunga.
Mabahoe man sigon ro naging papel it anang unga bangud nga una anay nana raya ginapabasa agud nga mabueo ro opinion it sangka unga.
Eubos man ro suporta ku anang asawa ag bilog nga pamilya sa anang patag ag kadaeag’an nga hapili.
Magalibot ro istorya sa Bukid Tigayon kun siin nga ku unang tyempo may una nga mga maalwan nga mga engkanto nga nagaistar sa nasambitan nga bukid nga nagapahueam it mga kagamitan sa mga tawo sa lugar ag kat kumalat ro nasambitan nga istorya hay nagpangasawa ro mga dayo it taga’Tigayon ag halin kato naging purilon ag sakim ro mga tawo kun siin uwa eun nanda gina’ulian ro andang mag hinueaman ag nagapangbueo pa it mga manggad ukon bato sa kuweba, raya ro nagtueod sa mga engkanto nga humalin sa nasambitan nga bukid.
Sa makaron, ginapatihan nga uwa eun habilin nga engkanto sa Bukid Tigayon.
Masayuran nga ro The Little Star ag Engkanto sa Bukid Tigayon nga parehong una parehong akda ni Guzman hay pagataw’an it pagkilaea sa Hulyo 16.
Pagdugang ni Guzman nga mahimo makabueo it kopya ukon magpre-order kana online.
