KALIBO, Aklan—Nagapati si Atty. Harry Sucgang, sangka political analyst sa Aklan nga magiging close fight ro engkwentruhanay sa pagka-congressman sa una ag ikaywang distrito it probinsiya it Aklan.
Suno kana sa kalakaran it pulitika sa Pilipinas, mas nagapangibabaw ro mga politiko nga may makinarya ag kwarta.
Baeantayan suno kana ro pag-atubang nanday incumbent congressman Ted Haresco ag dating governor Joeben Miraflores.
Ginpahayag ni Atty. Sucgang nga maskin nga incumbent si Haresco ag may kwarta hay nagapabilin nga mabaskog ro makinarya it mga Miraflores ag kilaea eon si Joeben bangud sa kabuhayon kara sa politika ukon mataas ro recall sa mga botante.
Sa pihak nga parte, nagapati man imaw nga maskin bagito hay matsa pagapadayunon eamang ni congressional candidate Jess Marquez ro trabaho nga paga-aywan it anang ama nga si congressman Carlito marquez.
Maka-atubang ni Marquez si dating Batan mayor ag negosyanteng si Rodel ramos .
Sa daeagan it pamulitika sa nasyon, ginpahayag ni Atty. Sucgang nga ro mga kandidatong mabuhay eon nga nakapuwesto ag miyembro it nagapangunang partido hay may mabahoe nga tsansa nga nagapangibabaw sa mga engkwentruhanay sa eleksyon .
Raya hay mag-eowas sa iba pang estratehiya kapareho it politika nga ginakapitalan it kwarta ag kasikatan ukon popularidad.
