KALIBO, Aklan–Nakalista ro England it sambilog sa pinakamataas nga temperatura sa kasaysayan it nasyon nga naga-abot sa 38.1 degrees celsius.
Suno kay Bombo International Correspondent Ramil Isogon nga naka-sentro makaron ro sobrang init it tyempo sa England halin sa London paadto sa York.
Kaabuan sigon sa mga pumueoyo idtu hay naga-guwa sa andang panimaeay para magbabad sa silak ukon naga-adto sa baybayon.
Sambilog sigon raya sa pamaagi agud nga mabawasan ro kainit nga nabatyagan kamana man nga nagapati sanda nga bueong sa eawas ro pagpasilak.
Ginakalitan man sigon it mga tawo ro summer bangud tatlong buean eamang nanda raya nga ma-eksperyensyahan kada dag-on.
Base sa pinakaulihing forecast, naga-abot sa 40 hasta 41 degrees celsius ro temperatura hin-aga sa England.
Ginakabaeak-an man it gobyerno ro heat stroke ag ro magiging epekto it masyadong mainit nga tyempo sa mga pumueoyo.
Sa pihak nga parte, kapin sa 60 ka mga bumbero ro nagresponde sa nag-eontad nga wildfire sa England.
Ginapahayag nga naga-abot sa daywang hektarya ro natigayun nga nahalitan.
Sa mayad nga swerte hay madasig man raya nga natapna it mga bumbero kamana man nga owa it naninahan sa insidente.
