-- ADVERTISEMENT --
KALIBO, Aklan—Desidido nga magpapili bilang Mayor it banwa it Banga si Engr. Rogenie Audric Villar sa nagahilapit nga 2022 national and local elections.
Sa sangka ekslusibong interbyu it Bombo Radyo kay Villar ginpahayag kara nga magapadaeagan imaw bilang independente kaibahan ro anang mga konsehal.
Gindugang pa kara nga ro anang katuyuan sa pagkandidato sa pagka-mayor it banwa hay agud mas pang makabulig sa mga pobreng pomoeuyo.
Gusto man sigon nana nga maging instrumento agud nga mahaw-as sa kapigaduhon ro kapareho man nana nga pobre.
Nasayuran na ro anang mga konsehal hay sanday Jocel Rata, Edna Remaldora, Pastor Erick, Kap Eve’s Masangya, Edward Cuales, Claire Dela Cruz, Aquilino Quimpo ag Roel Ingalla.
-- ADVERTISEMENT --
