Nagpasaeamat si dating Senate President ag makaron nga Chief Presidential Legal Counsel Juan Ponce Enrile sa diritso nga pag-abswelto kana sa kasong plunder.
Sa interview kay Enrile matapos ro promulgation ko Oktubre 4 it agahon. Ginhambae ni Enrile nga buo ro anang pagpati nga ma-abselto man imaw sa mismong kaso bangod ginhimo it legal team ro tanan nanda nga makaya.
Nagpasaeamat man si Enrile sa mga mahistrado bangod sa suno kana hay pagtao it hustisiya’ sa kana ag sa mga kaparehas kara nga akusado.
Samtang, bumwelta man ro dating SP sa mga nagdihon it kasong graft kuntra kana. Suno kay Enrile, nagasalig imaw nga umpisahan eon it mga tawo ngato nga tun-an ro andang mga konsensiya.
kahapon it agahon kat ging abswelo it Sandiganbayan Third Division ro dating Senate President kaibahan ro dati nana nga chief of staff nga si Gigi Reyes ag ro ginkilaeang Pork Barrel Queen na si Janet Lim Napoles.
Nagpasaeamat man si Napoles sa tanan nga nagpangamuyo hasta sa nag guwa ro mismong desisyon. Maskin nga pani bag-ong pagdaog raya sa partido ni Napoles, padayon pa gihapon nana nga igasirbi ro mga nauna eon nga conviction it korte kuntra kana kaanot pa gihapon sa Priority Development Assistance Fund (PDAF) it mga mamalidha.
