Kaeuwasan ag katawhayan sigon sa paeaabuton nga Barangay ag Sangguniang Kabataan Elections 2023 ro tema it Police Regional Office 6 Vloggers Competition 2023.
Raya ro ginpahayag ni Pssgt. Jane Vega, tagapaghambae it Aklan Provincial Police Office.
Nagapanguna sigon ro APPO sa may pinakamataas nga views.
Apela pa ni Pssgt. Vega nga suportahan ro vlog bangud raya hay may manami nga katuyuan partikular ro mga importanteng mensahe.
Dugang pa kara nga raya man ro ginahimo it ibang mga probinsiya nga tuyo man mag-angkon it peaceful and orderly nga eleksyon sa Oktubre 30.
Paathag pa nana nga sa pag-react magabase ro Regional Office sa kon sin-o ro magadaog ag bukon it sa views kung sa siin nagapangaywa eamang ro Aklan sa Antique.
Padayon gihapon ro apela nga ipromote ukon magreact sa entry vlog it APPO.
Inisyatibo sigon raya ni Regional Director Police Brigadier General Sidney Villaflor kung sa siin gustong ipaabot nga uwa gaantad ro mga kapulisan sa mga pumueoyo ag komunidad.
Dugang pa nga tuyo kara nga mataw-an ag malikawan it mga pamatan-on nga magsuporta sa mga nagasakar nga imbolbado sa mga kriminalidad ag nagasuporta sa terorismo.
Ginpahayag pa nana nga ro tanan nga sektor ukon ahensiya hay eakip sa nasambit nga vlog.
Uploaded eon sigon ag pwede matan-aw ro video sa Facebook Page it Police Regional Office 6.
