Health News ——-Ginklaro it Department of Health (DOH) nga eowas ro flu vaccines nga ginagamit makaron sa Pilipinas kasunod it mga nailistang death cases kara sa South Korea.
Base sa report it Centers for Disease Control and Prevention it Estados Unidos, 59 eon ro namatay sa South Korea as of October 26 matapos maturukan it flu vaccine.
Suno sa opisyal, gin-eksamin eon it Food and Drug Administration (FDA) ro logs and batches it flu vaccines nga nag-abot sa nasyon apang uwa sa mga raya ro vaccine brands nga ginamit sa South Korea.
Nauna eon nga ginpapundo it Singapore Health Ministry ag andang Health Sciences Authority ro paggamit it flu vaccines nga SKYCellflu Quadrivalent ag VaxigripTetra.
Ginpahayag it Korea Disease Control and Prevention Agency nga kaeabanan sa mga namatay ro una sa tunga it edad nga 70 hasta 80-anyos.
Samtang, aminado ro FDA nga nakaangkon it aberya sa supply it pila pang bakuna bangud sa kaabuon it demand.
Suno kay Usec. Eric Domingo, director general it FDA, nagtaas ro demand sa flu ag pneumonia vaccines sa nasyon bangud sa kahadlok it kaeabanan sa COVID-19.
