Grabeng init ro naexperiensiyahan makaron sa bilog nga nasyon.
Bangud sa init, maabu nga estudyante ro nagakalipong kapareho it natabu sa Occidental Mindoro ko nagtaliwan nga domingo.
Napueong estudyante ro nalipong ag nakaexperiensiya it pagbuyog it ueo samtang sa klase.
Ro sobrang init it paniempo nga gindunganan pa it problema sa kuryente sa mga probinsya ro rason kon ham-an nga maabu ro nagakalipong nga estudyante.
Ro naexperiensiyahan nga init ro naging daean para hambaeon ni President Ferdinand Marcos Jr. nga tun-an nana nga ibalik sa Abril ag Mayo ro bakasyon it mga estudyante.
Sa bag-ong school calendar, Hulyo ag Agosto ro bakasyon it mga estudyante.
Raya hay gin obra bangud nga tiempo sigon it tag-uean ag bagyo ro mga nasambit nga buean.
Suno sa Presidente, pwede man nga bag-uhon ro school calendar.
Pagatun-an sigon it mayad ro plano nga pagbalik sa Abril ag Mayo ro bakasyon it mga estudyante agud nga indi mag antus sa nagabagang init.
Suno sa PAGASA, sa mga buwan it abril ag mayo nakakaexperiensiya it mataas nga heat index ro maabung lugar sa nasyon.
Isipon naton kon ano kainit sa classroom sa mga nasambit nga buean.
Owa it bastanteng electric fan ro mga pampublikong eskuwelahan.
Maskin tubi nga ilimon hay owa sa mga classroom rason nga naga antus ro mga estudyante.
Ipatuman eon sa masunod nga dag-on ro vacation break nga Abril ag Mayo.
Eowason ro mga estudyante sa pagkasakit tuga it grabeng init.
Indi sanda dapat nga mag antus sa matsa-oven nga classroom kun buean it Abril ag Mayo.
