Nag-apela ro Episcopal Commission on Indigenous Peoples (ECIP) nga kilaeanon ag irespeto ro mga titueo it eogta nga ginta-o it gobyerno sa tribu it mga Ati sa isla it Boracay ko dag-on 2018.
Suno kay Bishop Jose Corazon Tala-oc it Diocese of Kalibo ag ECIP Visayas bishop-in-charge nga mga lihitimong owner ro mga Aeta base sa position it Certificate of Land Ownership Awards (CLOAS) nga ginpasaalima kanda ni dating Pangueong Rodrigo Duterte.
Naga-eaum ro obispo nga inde eon matabo it uman sa mga Aeta ro mga nauna eon nga ginpangatubang nanda nga problema angot sa eogta nga presente nandang ginaistaran.
Nag-apela man ro ECIP partikular sa Department of Agrarian Reform (DAR) ag pribadong land developers nga kilaeanon ro position it mga Aeta sa eogta sa Boracay.
Nasayuran nga nagapameligrong mabawian it CLOA ro mga Aeta sa Boracay bangud nga may mga petition nga gin grant ro DAR base eon man sa mga claimant it eogta nga bukon raya it suitable pang agrikultura.
