Ginpadasig it Energy Regulatory Commission (ERC) ro proseso para kakason ro 12% value-added tax (VAT) sa system loss charges sa kuryente, nga tuyo nga mapanaba ro sukot sa mga consumer.
Igapatigayon ro public consultation sa Agosto 25 ag ginaeaumaan nga magguwa ro resolusyon sa Agosto 26.
Kun naging epektibo ro bag-ong sueundanan, posible rayang ipatuman sa September billing, sa pihak nga posibleng magkinahangean it tyempo ro pilang electric cooperative ag distribution utility para i-update ro andang billing systems.
Ginabueubanta nga gaabot sa P6 bilyon kada dag-on ro matipid it mga consumer sa bilog nga nasyon sa pagkakas it VAT sa system loss charges.
Ro tikang hay parte it pagpanikasog nga mapanaba ro presyo it kuryente ag kakason ro mga sukkot nga uwa naga-sabat sa aktuwal nga serbisyong nababaton it mga consumer.
