Kumbinsido si Senator-elect Francis Escudero nga kwalipikado si incoming Senator Robin Padilla nga maging chair it Senate committee on constitutional amendments.
Suno kay Sen. Escudero nga sangka abogado man hay posibleng maging committee chair ro sino man nga Senador ag owa it special qualification para igadumaea ro sangka komiteba.
Gin-insister man ni Senator Escudero nga owa sigon it Senador nga dapat madiscriminate ag husgahan eamang raya base sa anang ginapakita nga performance matapos magsirbe sa sangka nasambit nga posisyon.
Bukon eamang sigon it legal knowledge ro kinahangean sa pagdumaea it nasambit nga komiteba, kinahangean man sigon nga may exposure sa Konstitusyon ag sa revisions it codes ag laye kapareho it Civil Code, Revised Penal Code, Corporation Code ag tanan nga codified laws
