BALITANG Espesyal —- Sangka public school sa Yokusuka, Kanagawa prefecture ro kinahangean nga magbayad it 3.5 million yen ukon katumbas it P1.4 million pesos para sa andang water bill!
Raya hay bangud nga may sangka manugturo sa andang eskwelahan nga ginpabay-an nga nakabukas ro gripo sa swimming pool umpisa Hunyo hasta Setyembre it nagtaliwan nga dag-on .
Ro pageaum it manugturo hay makabulig sa paglikaw sa COVID-19 kun pabay-an nana nga magadere-deretso ro pag-ilig it tubi sa swimming pool it eskwelahan .
Maskin nga regular ro filtration ag chlorination it pool, nagakabaeaka ro manugturo nga basi raya ro maging breeding ground it virus rason nga ginpabay-an nana nga may flowing fresh water kara.
Sa imbestigasyon it principal, nasayuran nana nga may mga staff it school nga nagpapatay sa gripo, insigida man raya nga ginabuksan ro nasambit nga manugturo .
May estimate nga 1,056,680 gallon it tubi ro nauyang.
Nagpangayo it tawad ro mga awtoridad it Yokusuka sa financial damage nga nahimo kara sa andang siyudad.
Bilang penalidad, ginapabayad ro manugturo ag daywang supervisor it eskwelahan it katunga sa water bill.
