KALIBO, Aklan—Makabig nga espesyal ro paskwa para sa mga Polish apang masubo para sa mga Pinoy nga nagatrabaho sa nasyon it Poland bangud nga maeayo ro mga raya sa andang pamilya.
Suno kay Bombo International Correspondent Gerry Presto-Biasura it Poland nga inde man pwede nga inde madayon ro paskwa kon sa siin nagataliwan eamang raya kanda nga matsa ordinaryong adlaw bangud nga bukon nanda it kaibahan ro andang bilog nga pamilya.
Mabatyagan man sigon ro espiritu it paskwa sa nasambit nga nasyon bangud sa mga nakadisplay ag nakasab-it nga christmas decoration nga ro iba hay mas ginapabongga pa raya it mga christian people.
Maeamig sa nasambit nga lugar makaron nga panyempo rason nga inde nanda haeos mataeopangdan ro mga naga simbang gabi kon aga-aga apang may mga catholic church nga nagapatigayon it misa para sa mga christian residents it lugar.
