KALIBO, Aklan—Establi eon ro supply it kuryente sa bilog nga isla it Panay.
Raya ro ginkumpirma ni Engr. Jude Ropa, head it engineering department it Aklan Electric Cooperative ukon Akelco.
Raya hay kasunod it haeos tatlong adlaw nga naexperiensiyahan nga pag-flactuate it boltahe ag gulpiyadang power interruptions.
Suno kana nga natigayon eon nga maayos ag maibalik it National Grid Corp. of the Philippines ukon NGCP ro tanan nga loads sa Panay nga nauna eon nga naapektuhan it system disturbance.
Gindugang pa ni Engr. Ropa nga nagbalik ro stable nga power supply umpisa ko Abril 30.
Nagtuga ro system disturbance it rotational nga power interruptions ag voltage fluctuations sa tanan nga power distributors sa Negros ag Panay kamana man sa Guimaras.
Bangud sa synchronization it generators sa Visayas grid rason nga umayos eon ro supply it kuryente sa grid.
Samtang, bangud sa natabu, ginpahayag ni Engr. Ropa nga magapasaka man it reklamo ro tanan nga mga general managers it mga electric cooperatives kontra sa NGCP.
Ginpasiguro man nana nga maayos ro andang distribution line ag ro nakakaangkon eamang it problema hay ro transmission line it NGCP.
