Gindeklara eon it Estados Unidos ro monkeypox virus bilang sangka public health emergency.
Suno kay bombo international correspondent greg aguilar it California, USA nga raya hay gin-anunsyo ni US Health and Human Services Secretary Xavier Becerra agud nga mapadasig pa ro paghueag it nasyon sa pagsukoe sa outbreak it sakit.
Gin-report pa ni aguilar nga kapin s a 6,600 nga kaso eon it monkeypox virus ro nailista sa US halin sa 48 nga estado kara sa Washington DC, ag Puerto Rico.
Ko Hunyo hay nauna eon nga gindeklara it World Health Organization ro monkeypox virus bilang sangka Global Health Emergency, matapos makalista it masobra sa 26,000 nga kaso sa 87 nga nasyon sa bilog nga kalibutan.
Sa makaron suno kana hay ginapadasigan eon it Biden administration ro pagpanupod it bakuna kontra sa sakit
Raya hay matapos nga makaangkon it pagbatikos bangud sa kapas-eawan nga masiguro ro pag-angkon it bastante nga bakuna partikular sa mga siyudad it New York ag San Francisco.
Sa bilog nga amerika, maabu eon sigon nga mga estado ag munisipyo hay nagdeklara it public health emergencies.
Kapareho it California ko Agosto 1 matapos nga makalista it 826 nga kumpirmadong kaso ag New York nga may una eon nga 1,666 nga kaso hay naghimo man it kapareho nga deklarasyon ko Hulyo 29 kamana man sa Illinois.
Gin-insister suno kana it mga health officials nga maskin sin-o hay pwedeng matapnan it virus maskin nga ro eaeaki nga nakipaghieawas sa kaparehong eaeaki hay mas mataas ro chansa nga maapektuhan .
