KALIBO, Aklan—Ginkondena it Estados Unidos ro pagpaeopad it libu-libong mga rocket it mga militanteng Palestinian kon sa siin nagsalakay pa ro mga raya sa pilang banwa it Israel ag nang-hostage.
Suno kay Bombo International Correspondent Rhodora Masongsong Dekraker it USA, nagpaguwa eon it pahayag it pagkondena si US president Joe Biden bangud nga suportado kara ro gobyerno it Israel.
Suno kana, ro Amerika ro nagpondo sa Iran kon sa siin kaalyado it mga raya ro Hamas group nga sa likod it panibag-ong gyera sa ginatawag nga Holy Land.
Sigurado sigon nga inde pagpabay-an it Amerika ag iba pang allies countries ro Israel sa panibag-ong kinagamo.
Ginapahauman eon sigon makaron it Estados Unidos ro medical assistance nga igapadaea sa Israel para sa mga ninahan ag sa mga bakwit.
Ginapahayag nga umabot eon sa ginatos ro namatay sa Israel rason nga ginpaeapad ni Israel’s Minister of Defense Yoav Gallant ro “special security situation” it nasyon.
