KALIBO, Aklan–All set ag ready eon ro Estancia Elementary School bilang sambilog sa mga eskwelahan sa banwa it kalibo nga pagagamiton nga polling precincts sa maabot nga eleksyon sa Lunes, Mayo 9.
Suno kay Nelrisa Morales, Teacher III it nasambit nga eskwelahan nga may waeo sanda tanan nga clustered precinct , kun sa siin, sambilog sanda sa may pinakamaabu nga mga botante nga gina-“cater” kada eleksyon nga naga-abot makaron sa kabilugan nga 5,625.
Preparado eon man sigon sandang mga manugturo nga magaserbing board of election inspectors.
Haeos owa eon man sigon sanda it problema matapos ro ginpatigayon nga final testing and sealing kamana man ro pag-abot it mga kinahangeanon nga election paraphernalias.
May gintaeana man suno kana sanda nga isolation room para sa mga botante nga makaangkon it mataas nga body temperature sa mismong adlaw it eleksyon bilang pagdahan kontra COVID 19.
Gindugang pa ni Morales nga alas-6 it agahon hay bukas eon ro andang mga polling precincts ag magatapos alas-7 it gabi-I.
