Sangka estatwa it Japanese superhero nga si Ultraman ro nakahimo it Guinness World Record matapos nga makapatindog it 34.12 feet nga kataason it istraktura sa Shanghai.
Ginkumpirma it Guinness World Records nga ro estatwa sa Shanghai Haichang Ocean Park hay ro bag-ong world record para sa pinakamabahoe nga Ultraman.
Ro estatwa hay ginpatindog it team it masobra sa 20 nga katawo ag may bug-at nga kapin sa 2,000 pounds.
Raya hay ginpatindog sa centerpiece it Ultraman-themed area sa amusement park.
Ro Ultraman hay nag- originate bilang titular character sa 1966 TV series.
Ro nasambit nga character hay naga angkon it record para sa “most TV spin-off series nga may 33 nga shows matapos nga gin-umpisahan ro serye.
Ro record-breaking nga sculpture hay nagapakita it Ultraman Zero version it baganihan nga ginpakilaea ko 2009.
