POLICE Report — Kamatayon ro nagsub-eang sa sangka 21-anyos nga eaeaki matapos bumunggo sa concrete post ro ginamaneho nga motorsiklo sa Brgy. Darapidap, Candon City, Ilocos, Sur.
Suno sa mga otoridad, ro biktima hay sangka estudyante, residente it Tagudin, Ilocos Sur.
Ginamaneho it biktima ro kulay black grey nga Yamaha Aerox ag madasig ro pagpadaeagan paagto sa nakatundan nga direksyon sa Darapidap Road kat gulping maduea-an it kontrol sa manibela it saeakyan ro driver hasta nga bumunggo ro motorsiklo sa sementadong poste nga nahamtang sa kilid it daean.
Resulta kara, nag-angkon it head injury ag multiple fractures ro biktima nga insigidang gindaea sa Candon City Hospital it mga rumespondeng PNP ag BFP personnel.
Sa pihak kara, ro biktima hay gindeklarang dead on arrival it nagtatap nga doktor.
