Sa tunga it pagbatikos, ginklaro ni Senador Grace Poe nga nagapabilin nga prayoridad it Kongreso ro edukasyon sa ginpalig-on nga 2025 national budget sa pihak it pilang tinapyas nga pondo sa Department of Education (DepEd) and Commission on Higher Education (CHED).
Suno kay Poe, chairman it Senate committee on finance, nga nagapabilin nga prayoridad it Senado ro sektor it edukasyon nakasunod nga gintaeana nga 1987 Constitution.
Suno kana ginrespeto it mga mamalidha ro kinamatarong it Palasyo parte sa pagtaeana it pondo.
Nauna nga ginpalagan it DepEd Secretary at dating Senate Finance Committee Chairman Sonny Angara ro tinapyas nga P12 bilyon sa badyet it DepEd sa 2025 nga naapektuhan ro computerization program it ahensiya.
Suno kana apisar nga ginbuhin ro pondo, magapabilin nga pinakamataas ro badyet it DepEd kumpara sa 2024.
Kaibahan sa prayoridad ro pagtaeana it pondo sa human capital nga may una nga P9.948 bilyon sa teaching supplies allowance increasing halin sa dating P4.825 bilyon ku 2024.
Sinambit man ni Poe ro report it Commission on Audit (COA) nga naga-abot eamang sa 50% it pondo para sa 2023 Computerization Program budget ro nagamit bangud sa systemic issues kapareho it pagkaantala sa pagbakae.
Suno kana, dapat sabton o solusyunan anay ro mga kakueangan ngara bago magpangayo it dugang nga badyet.
