Nag-viral ro video it mabangis nga Puma nga nakit-an sa comfort room it sangka elementary school sa Brazil.
Ro siyam nga dag-on nga si David Miguel nga estudyante it Martha Drummond Fonseca Municipal School ro unang nakatukib sa mabangis nga sapat matapos nana nga testingan nga maggamit it CR pagkahalin sa football practice.// makita sa nag-viral nga video nga mabangis nga naga-ungol ro Puma samtang nagapanago raya sa sambilog sa mga cubicle it CR.
Suno kay Miguel, sa sobrang kahadlok nana sa Puma hay nagpangkurog ro anang mga tuhod.
Sa mayad nga swerte ag madasig imaw nga nakaguwa it CR ag ginhambaean eagi ro anang ama.
Ko una hay indi pa makapati ro ama ni Miguel nga si Rodrigo Almeda, ag ro pageaum kara hay naga-joke eamang ro anang unga apang kat imaw eon mismo ro nakakita sa puma, nagpangayo eon imaw it bulig halin sa mga awtoridad.
Gingamitan it tranquilizer dart ro puma ag ginbalik raya sa kagueangan sa bulig it The Brazilian Institute of the Environment and Renewable Natural Resources.
Suno kay Dr. Mourao, sambilog sa veterinarian nga nagsunod sa pag-rescue sa puma, may posibilidad nga mauman ro makarondaya nga klaseng scenario sa mga siyudad sa Brazil kun sa siin nagapakita ro mga mabangis nga sapat sa mga residential area.
Raya hay bangud sa deforestation ag naduea-an eon it ilistaran ro mga sapat sa kagueangan .
