Nagbueuligan ro European Union (EU) kaibahan ro kapin sa 42 nasyon kaibahan ro US pamaagi sa sangka joint statement para engganyuhon ro Russia sa insigidang pagwithdraw it andang mga sundado maghalin sa Zaporizhzhia nuclear power plant sa southern Ukraine.
Nakabaehag sa nasambit nga statement nga kinahangean nga umatras ro Russian forces para ro operator ag Ukrainian authorities sa lugar hay makapadayon sa andang sovereign responsibilities kamana man ro responsibilidad it lehitimong operating staff nga owa it pagpasilabot , hangkat sa working conditions.
Ro nasambit nga joint statement hay pagpakita it suporta sa International Atomic Energy Agency (IAEA) kung siin andang gin-insister nga ro deployment it Russian military personnel ag mga armas pandigma sa nuclear facility hay bukon it makatarongan ag makabig nga hangkat sa seguridad ag safeguard principles nga ginpromisa nga pagarespetuhon it tanan nga miyembro it ahensiya.
