Naging hugut ro ginahimo nga pagpahaum ni Filipino boxer Eumir Marcial para sa nagahilapit nga hampang kay Argentinian Ricardo Ruben Villalba.
Pagahiwaton ro hampang it daywa sa adlaw it dominggo sa Las Vegas.
Ginpahayag ni Marcial nga tanan nga mga sparring nga kinahang-ean ag maskin ro mga conditioning coaches kaibahan ro bilog nga team hay naging grabe ro training.
Nakaangkon man sigon it kakaibang level ro training nana it pilang adlaw sa Las Vegas bangud nakaatubang kara sa sparring sessions ro mga mayad nga boksingero halin sa France ag Kazakhstan.
Ro 2021 Olympic bronze medalist boxer hay may record nga tatlong daog ag owa pa it piyerdi samtang si Villalba hay may 20 daog, pitong piyerdi ag sangka draw.
Ro andang six round nga middleweight fight hay undercard it hampang ni Rey Vargas kay O’Shaquire Foster.
