KALIBO, Aklan — Kinontra it sangka eksperto ro pagpati it mga opisyal ag residente sa isla it Boracay nga ro eumot nga masaming naga eutaw kada tag-init hay naga bulig sigon agud mas pang maging pino ag maputi ro baeas sa isla.
Sa interview it Bombo Radyo Kalibo, gin pahayag ni Senior Science Research Specialist Raymond Sucgang it Philippine Nuclear Research Institute (PNRI) nga ro eumot sa Boracay nga sangka blue green algae hay indikasyon it malalang polusyon.
Masyado eon sigon nga mataas ro lebel it coliform sa pilang lugar sa front ag back beach eabi eon sa Bolabog area bangud sa higku it tawo.
Bisan sigon ro mga abono nga urea nga ginagamit agud mapaeambo ro mga bermuda grass sa mga golf courses ag ro oil spill sa Caticlan area hay nagiging rason man it polusyon.
Samtang, gin paboran ni Sucgang ro temporaryong pagpasara sa isla agud makaginhawa ro dating kanami kara sa natural nga pamaagi.
