POLICE Report — Patay ro sangka ex-convict matapos nga barilon it makapilang beses it owa pa nakilaea nga suspek samtang ro biktima hay nagapahuway-huway sa anang traysiko sa siyudad it Talisay sa Cebu, City.
Nakilaea ro biktimang si Jeffrey Delantar alyas Par, 33, it Purok Tubig, Sitio Ilang-Ilang, Barangay Lagtang, it nasambit nga siyudad.
Base sa report it Talisay City Police Station, bandang 2:45 it hapon ko Pebrero 1, 2025, natabu ro krimen sa Sitio Tigib, it nasambit nga barangay.
Nagatuhaw sa paunang imbestigasyon it pulisya, nagapahuway sa idaeum it puno ro biktima sa anang pampasadang traysikol.
Gulpi eon lang nga nag-abot ro armadong suspek ag ginbaril ro biktima it makapilang beses nga tinamaan sa nagkaeain-eain nga parte it anang eawas nga naging rason it anang hinali nga kamatayon ag pagkatapos hay insigidang nagpaeagiw.
Ginatumod pa it mga awtoridad ro matuod nga motibo ukon may kahilabtanan sa illegal nga droga nga dating kasong ginapangatubang it biktima.
