Pormal eon man nga nagdihon it ana nga kandidatura bilang alkalde it Davao City ro naghalin nga Civil Service Commission (CSC) chairperson Karlo Nograles. Ginhimo kara ro pagdihon sang adlaw matapos nga maghalin raya sa posisyon.
Naka baehag sigon sa anang resignation letter nga ginsinumite kay Pangueong Ferdinand Marcos Jr nga imaw hay magabalik sa Davao City ag anang i-aplay ro mga natun-an sa pagpanirbihan sa gobyerno.
Makaingkwentro nana sa pagka-alkalde it Davao City si dating Pangueong Rodrigo Duterte. Ro mas bata pa nga Nograles hay unga ni Prospero Nograles nga nagasirbing House speaker halin ko 2008 hasta ko 2010 sa tyempo ni dating Pangueong Gloria Macapagal Arroyo.
Ro magueang mat a nga Nograles hay mabuhay eon nga kaingkwentro it Duterte sa sueod it tatlong dekada. Natapos eamang ro pag-ingkwentro it daywang ka pulitko kat sinuportahan it dating House Speaker Rodrigo Duterte sa pagdaeagan sa pagkapangueo ko 2016.
Ko Nobyembre 2018 hay ginbutang ni Pangueong Duterte si Karlo Nograles bilang Cabinet Secretary. Naging acting presidential spokesperson ag co-chairperson it inter-Agency Task Force on Emerging Infectious Diseases.
Ko Marso 2022 kat ging butang imaw sa CSC nga kunta hay hasta it 2029 ro anang pagserbi hasta raya hay maghalin ko Lunes.
