Gin-imbitahan eon it Senate Blue Ribbon committee sanday dating education secretary Leonor Briones ag dating Procurement Service-Department of Budget and Management (PS-DBM) head Lloyd Christopher Lao para sa presenteng imbestigasyong ginapatigayon sa makaron it Senado.
Raya hay may kaangtanan sa gihapon sa overpriced sigon ag outdated nga mga laptop para sa mga public school teachers sandig sa 2021 annual audit report it Commission on Audit (COA).
Nakabaehag sigon sa nasambit nga report nga makabig nga “pricey” ro nasambit nga mga laptop nga ginbakae it Department of Education (DepEd)pamaagi sa PS-DBM nga umabot sa Php2.4 billion ro kabilugang haega.
Samtang, suno man kay Senate Minority Leader Aquilino Pimentel III, nga nakita eon nana ro listahan it mga gin-imbitahan it komite para sa pagahimuon nga inquiry kara.
Madumduman nga mag-euwas kara hay ginsiwalat man it COA ro DepEd sa paggastos it kapin sa Php4.5 billion it budget kara sa Basic Education Learning Continuity Plan nga nahaluan it “faulty procurement, delay”, ag kueang-kueang nga supporting documents.
